దేశాన్ని , ఇంకా చెప్పాలంటే ప్రపంచాన్ని ఒక ఊపు ఊపిన కొలవెరి పాట తో కావలసిన దానికన్నా ఎక్కువ ప్రచారం పొందిన ఈ సినిమా ... ధనుష్ , శ్రుతి హసన్ సినిమా జీవితంలో ఒక గుర్తు పెట్టుకోదగ్గ సినిమా ....
క్లుప్త్జంగా కధ చెప్పుకోవాలంటే : ఇంటర్మీడియట్ లో మొదలైన ప్రేమకధ . చూపులు , కలుసుకోవటం , ఊసులు , బాసలు , విరహం , ప్రేమ , కామం అన్నింటికీ ఫుల్ స్టాప్ పెట్టేటట్లు పెళ్లి , పెళ్లి తరువాత కొత్త జీవితం . జీవితంలో ఓక్ కొత్త మలుపు . షాక్ ... అంతే .. 3 అంటే ముగ్గురు కారెక్టర్ లు . ధనుష్ ఒకటి, శ్రుతి ఒకటి , మరి మూడవ కారెక్టర్ ను సస్పెన్సు , షాక్ ను మిళితం చేసి జొప్పించారు సినిమా లో ...
నాకు రెండు ఆశ్చర్యాలు కలిగాయి సినిమా చూస్తుంటే .. ఈ సినిమా కధను ఎలా చెప్పి ఆర్టిస్ట్ లను కన్విన్సు చేసి ఉంటారా అని ఒకటి, దానిని అర్ధం చేసుకుని ఆర్టిస్ట్లు ఎలా నటించారా అని ఒకటి . రజినీకాంత్ లాంటి సూపర్ స్టార్ ఇంట్లో పుట్టిన ఒక అమ్మాయి మామూలు మిడిల్ క్లాసు అమ్మాయిల మనోభావాలను తెరకు ఎక్కించటం లో వందకు వంద మార్కులు కొట్టేసింది . శ్రుతి హసన్ అభినయానికి జోహార్లు . కమలహాసన్ లా కాకుండా మోహన్ లాల్ లా చిన్న చిన్న విషయాలను , చాల అందంగా చూపించింది తన నటనలో.
కధ చిన్నదే , కాని దానిని తెరమీద చూపించిన విధానం గాని, ప్రేక్షకుడి ని ఏదో ఒక పాయింట్ దగ్గర తనను తాను చూసుకునేటట్లు చేయడంలో కాని దర్శకురాలు విజయం సాధించింది . ధనుష్ కు ఇలాంటి పాత్రలు కొట్టిన పిండి . నేనేమైన చెప్తే తిరుపతి లడ్డు కోసం చందు స్వీట్స్ వాడు కామెంట్ చేసినట్లు ఉంటుంది .
ఏదో మన పక్కింట్లో జరుగుతున్నట్లు గా ఈ సినిమా ఫస్ట్ హాఫ్ ఉంటుంది, సెకండ్ హాఫ్ కొంచం స్లో అయినా ..మనసుకు హత్తుకుంది .
ఈ సినిమా కు మ్యూజిక్ ఇచిన అనిరుద్ కు వెయ్యి మార్కులు. నేపధ్య సంగీతం ఇళయరాజా ను గుర్తుకు తెస్తే , పాటలు ( కొలవెరి మినహా ) అన్ని కొత్తగా అనిపించాయి . కధలో ధనుష్ ఫ్రెండ్ గా నటించిన అబ్బాయి సూపర్ . ఎక్కడా అశ్లీలత కాని , అనవసరమైన ఓవర్ ఆక్షన్ లు కాని లేవు.
ఈ సినిమా 2 వారాలు ఆంధ్ర ప్రదేశ్ లో ఆడితే తెలుగు ప్రేక్షకులు దీనిని ఆదరించినట్లు లెక్క.
మంచి సినిమా చూడాలని అనుకుంటే ఈ సినిమా కు వెళ్ళొచ్చు . అంతే కానీ మీకు తొడలు చూపించే అమ్మాయిలు, ఫారిన్ లొకేషన్ లు, వాంతులు చేసుకున్నట్లు అరిచే విల్లన్ లు, మూలసంక ఉన్నట్లు అరిచే హీరోలు , బిల్డప్ డైలాగులు, వారసత్వ ఖ్యాతి ని వివరించే ఊకదంపుడు ఉపన్యాసాలు , బకెట్ ల కొద్దీ రక్తం కావాలంటే మాత్రం ఈ సినిమా కు దయచేసి వెళ్లొద్దు .
ఈ సినిమా లో ఫీల్ ఉంది, మంచి నటన ఉంది , మంచి సంగీతం ఉంది , తక్కువ డబ్బులతో , పరిమిత వనరులతో తీసిన ఈ సినిమా నా దృష్టిలో ఎన్నో సినిమా ల మీద మంచి సినిమా . ఇది నా అభిప్రాయము .
సర్వేజన సుఖినోభవంతు
4 కామెంట్లు:
SUPER
జనాలు వార్ణింగ్ ఇవ్వటం తో చూడలేదండీ..
ఇప్పుడూ చూడలేను.. డీవీడీ చూసేవరకూ నో కమెంట్స్ ;౦
plz remove word verification.. it is annoying
orey orey, asalu film choosaavaa ani... dheenmmee endhukuraa jeevitham anipistindhi choosthe...
velli choosi review raayaraa velli pappaa
agnaatha garoo,
meeru maree avesapaduthunnarandi. meeru adhinayakudu cinema ku tickets cheppukune pani lo undandi chepthaanu. naaku nachindi naa blog lo rasanu sir .ee cinema meeku virakthi kaligindante mee ku machi mass masala cinemalu istam ani ardham avuthundi
కామెంట్ను పోస్ట్ చేయండి